Hilabeteak zeramatzan Samuel Sanchezek talde bila. Etsitzen ere hasia zen, eta pixkanaka barneratzen haren betiko taldeak egin bezala, Euskaltel-Euskadik, hark ere txirrindularitza utzi beharko zuela.
Baina etorkizuna iluna zirudienean ikusi du argia Sanchezek. Ez da argi apala; dirdir egiten du, tropeleko talde indartsuenetako batekin sinatu baitu 36 urte betetzear dagoen txirrindulariak:AEBetako BMC taldearekin.
Cadel Evans, Tejay Van Garderen, Philippe Gilbert... Txirrindulari puskak ditu BMC taldeak. Eta haiekin aritzeko «sekulako ilusioarekin» dago Sanchez. «Lehendabiziko kontratua sinatu duen txirrindulari bat bezala sentitzen naiz». Itxaronaldia «luzea» egin zaiola aitortu du, baina inoiz ez duela galdu talde bat aurkitzeko itxaropena. Ez du ustekabean harrapatu BCMren gisako talde indartsu batek bera fitxatu izana. «Talde handi batean egon beharra nuen», azpimarratu du.
Samuel Sanchez: «Talde handi batean egon beharra nuen»
Denbora luzez talde bila aritu ondoren, Euskaltel-Euskadiko txirrindulari ohiak BMCrekin sinatu du
Iruzkinak
Ez dago iruzkinik
Ordenatu
