San Miguelek lehen aldiz jantzi du txapela

Hirugarren ahalegina izan da balekoa Julen San Miguelentzat. Doneztebarrak erremonteko banakako lehen txapela irabazi zuen atzo, Galarretan, finalean Javier Urriza mendean hartuta (19-30). Oraingoan, ez; oraingoan, nerbioek ez zuten erdibidean utzi. Oraingoan, gai izan zen lana errematatzeko. Eta oraingoan, ez; oraingoan, ez zen gai izan Urriza behetik gora eginez txapela irabazteko —bi txapel ditu—. «Ametsa bete dut», aitortu zuen San Miguelek. Argazkian, txapelarekin.