Saskibaloian, urrea estatubatuarrentzat

Ameriketako Estatu Batuek urrea lortu dute jokoetako gizonezkoen saskibaloian. Ez da gauza berria, izan ere, estatubatuarren hamaseigarren urrezko domina da. Oraingoan, Frantziarekin iritsi dira finalera, eta 82-87 irabazi diete. Kevin Durantek 29 puntu ekarri dizkio taldeari, sei errebote eta hiru asistentziarekin. Hala ere, ez dute erraz irabazi: azken minutura arte sei puntuko ezberdintasunarekin heldu dira, markagailuak 78-84 erakusten zuela. Rudy Gobertek sartu ditu frantsesen 16 puntu, eta Evan Fournierrek beste horrenbeste. Frantziaren azken segunduetako erasoek, ordea, garaipena eman diete AEBei.