Michele Scarponik aurtengo Italiako Giroko bere bigarren etapa irabazi du gaur, itzuliko 18.a (Sulmona-Benevento, 182 kilometro). Aurreko garaipena seigarrengoan lortu zuen. Ihes eginda iritsi den talde batean Scarponi izan da azkarrena esprintean. Tropel nagusia lau minutura sartu da.
Denis Mentxovek segitzen du Giroko lider. 26 segundo kentzen dizkio Danilo di Luca bigarren sailkatuari. Franco Pellizotti dago hirugarren -2.00ra-, Ivan Basso laugarren -3.28ra-, Carlos Sastre bosgarren -3.30era-, Levi Leipheimer seigarren -4.32ra-.
Bihar, 19. etapa: Avellino-Vesuvio (164 kilometro). Gainean bukatuko da, lehen mailako mendatean. Aurretik, hirugarren mailako bat izango dute (101.ean). Itzuliko mendiko azken etapa izango da.
Igandean amaituko da proba, Erroman, 14,4 kilometroko erlojupekoarekin.
Txirrindularitza
Scarponiren bigarrena Giroan
Bihar mendian bukatuko da etapa. Igandean, azkeneko egunean, 14,4 kilometroko erlojupekoa.
Iruzkinak
Ez dago iruzkinik
Ordenatu
