Tania Calvok 7. postua lortu du Munduko Txapelketan, taldekako abiaduran

TXIRRINDULARITZA. Sei euskal herritar lehian zirela, atzo hasi zen Pistako Munduko Txapelketa, Saint Quentin en Yvelinesen (Frantzia). Tania Calvo gasteiztarrak 7. postua lortu zuen taldekako abiaduran, Helena Casasekin bikotea osatuz; Unai Elorriagak eta Illart Zuazubiskarrek 10. postua lortu zuten taldekako jazarpenean; Leire Olaberriak 11.a puntuazioan; eta Sergio Aliagak eta Juan Peraltak 14.a taldekako abiaduran. Bigarren lehiaketa eguna izango dute gaur.