Tania Calvok brontzezko domina lortu du Munduko Kopan, Hong Kongen

TXIRRINDULARITZA. Tania Calvo gasteiztarrak beste urrats garrantzitsu bat egin du Rio de Janeiroko (Brasil) Olinpiar Jokoetarako sailkatzeko bidean, atzo Hong Kongen jokatutako pistako Munduko Kopan brontzezko domina irabazita —Kanada nagusitu zen—. Calvo Helena Casas kataluniarrarekin aritu zen taldekako abiaduran. Bestalde, etzi goizaldean hasiko da World Tourra, Tour Down Under probarekin.