Tskitixvilik eta Lagun Arok kontratua eten dute

SASKIBALOIA. Nikoloz Tskitixvili jada ez da Lagun Aro GBCko jokalaria. Jokalari georgiarrak eta klubak akordioa lortu dute bien arteko kontratua eteteko. Tskitixvili denboraldi honetan iritsi zen Donostiara, Fuenlabradatik. Klubeko teknikariek itxaropen handia zuten harengan, baina jokalariak ez du espero zen itxura eman. Hamalau minutu jokatu ditu partidako, eta 5,3 puntu eta 2,7 errebote lortu ditu batez beste.