Unai Simon Athleticeko jokalariak urteko atezain onenaren saria irabazi du. Hari eman diote gaur Jaxin trofeoa, Londresen, Urrezko Baloiaren galan. «Eskerrik asko guztiei. Harro nago hemen egoteaz», adierazi du atezainak saria jasotakoan.
Espainiarekin Munduko Kopan txapelduna izanda, Unai Simon zen trofeoa irabazteko faborito nagusia, eta hala izan da. Athleticek ez zuen denboraldi ona egin, baina atezainak Munduko Kopan egindako lana izan da gakoa. Urrezko Eskularrua irabazi zuen, gol bakarra sartu zioten zortzi partidatan, eta marka hautsi zuen: 650 minutu egin zituen golik jaso gabe. Aise hobetu zuen Walter Zengak 1990an ezarritako marka —517 minutu egin zituen golik jaso gabe—.
Ez da Simon hamar hautagaien artean dagoen lehen aldia. 2024an bigarren geratu zen, Dibu Martinezen atzetik. Trofeoak atezainen lana aitortzea du helburu. Izan ere, historian atezain bakarrak lortu du Urrezko Baloia irabaztea: Lev Jaxinek, 1963an. Armiarma Beltza ezinenez da ezaguna.
