Maialen Chourraut piraguistak hobetu du Londresen 2012an egindako balentria. Orduko hartan, brontzezko domina lortu zuen, eta urretik 97 ehunenera gelditu zen. Gaurkoan, nagusitasunez irabazi du finalean, jaitsiera zirraragarria osatuz; bigarren sailkatuari hiru segundoren aldea atera dio.
Hamabost parte hartzailetik hamahirugarrena atera da Chourraut. 101 segundo eginak zituen Luuka Jonesek, eta birrindu egin du lasartearrak Zeelanda Berrikoaren denbora. Bi arerio irteteko faltan, ziurtatua zuen domina, baina ez Fiona Penniek ez Corinna Kuhnlek ezin izan dute hobetu lasartearraren denbora.
#BerriaRion Horrela geratu da K1 mailako sailkapena; gorenean, @MChourrauthttps://t.co/MMEbi8l9gZpic.twitter.com/m3Q9rxINKE
— Berria.eus (@berria) 2016(e)ko abuztuak 11
Bere saioa amaitzean pozarren zen Chourraut kanoa barruan, eta poza are handiagoa izan da urrea ziurtatu duenean.
Urrea da. Urrea! @MChourraut en ospakizuna @berria#berriapic.twitter.com/DfJa5aI64h
— Enekoitz Telleria (@EnekoitzTelle) 2016(e)ko abuztuak 11
18:27ean eman du urrerako lehen pausoa: finalerako sailkatzea. Hamabost parte hartzaileetatik bosgarrena irten da, eta ia zuzenean lortu du finalerako txartela, aurreko bostek baino denbora hobea egin baitu: 101 segundo.
#Rio2016#BerriaRion#Piraguismoa Finalerdiko sailkapena. @MChourraut, hirugarren https://t.co/MMEbi8l9gZpic.twitter.com/CAPEOTgi6c
— Berria.eus (@berria) 2016(e)ko abuztuak 11
Rio de Janirora bidaiatu aurretik, uretan “azkar” sentitzen zela aitortu zion '6. uztaia' programari. Sailkapen fasean distirarik gabe lortu zuen final-erdietara sartzea, baina itxaropentsu dago. Finalera sailkatzea lortuz gero, 20:00etan lehiatuko da, gainontzeko finalistekin batera.
Lasarte-Oriako piraguistari egindako elkarrizketaz gain, Danel Agirreren bideokronika egongo da ikusgai. Agirrek galdera bat egin die Imanol Magro eta Enekoitz Telleria berriemaileei: "Egia al da kirolari ospetsuek McDonaldsetan egiten dituztela otorduak?".
