Waltary-Gixandutek irabazi dute txapela, Larralde-Iturberi 40-36 nagusituta

TRINKETA. Waltary Agustik eta Peio Gixandutek binakako txapela jantzi zuten herenegun, Baionako Moderne trinketean jokatutako finalean Peio Larralderi eta Ion Iturberi 40-36 irabazita. Oso partida parekatua izan zen, eta azken txanpan erabaki zen. Igandekoarekin, binakako sei txapel ditu Waltary kubatarrak, eta beste horrenbeste banaka. Gixandut irisartarrak, berriz, estreinako txapela du.