Yamahak hartu du aurrea

Frantziako Sari Nagusiak ez die bihar oparirik ekarriko MogoGP txapelketan lehiatzen ari diren gidariei. Atzo lehen itzuliak osatu zituzten, entrenamenduetan, eta Yamahak Europara gogotsu etorri dela erakutsi zuen. Frantzian, Italian, Katalunian, Herbehereetan, Ingalaterran eta Alemanian korritu dira hurrengo karrerak, eta Valentino Rossik atzo berea itzulera gogoangarria izan zela erakutsi zuen. Txasis berria jarri diote, eta zer hobetu baduen arren, berriro lehen lerrora itzul daiteke.

Collin Edwards taldekideak lortu zuen denbora onena. Entrenamendu estua izan zen, eta segundo baten buruan 13 gidari sailkatu ziren. Txinako Sari Nagusiak, espero bezala, ez zuen sailkapenean ezer erabaki, eta puntuetan ere aldea txikia da. Dani Pedrosa atzo bederatzigarren izan zen, eta aipatzekoa da Hondako lehen motoa bosgarrena izan zela, Casey Stonerrena, Yamahaz gain, Kawasaki eta Suzukiren atzean.