Yi Siling txinatarrak irabazi du Londresko Olinpiar Jokoetako lehen urrezko domina, 10 metro erriflean gailenduta. Hura zen faboritoa. 502,9 puntu lortu ditu. Jacques Rogge Nazioarteko Olinpiar Jokoetako presidenteak jantzi dio domina.
23 urte ditu, eta 2010ean Mundu Txapelketa irabazi zuen. Londreskoak ditu bere lehen Jokoak.
Sylwia Bogacka poloniarra geratu da bigarren, 502,2 punturekin. Hirugarren, beste txinatar bat: Yu Dan (501,5).
