Udarekin batera, eskaintza informatiboa egokituko du BERRIAk, aste honetatik aurrera. Aurki hasiko da argitaratzen udako serieak, eta Ahomentan elkarrizketa bereziak ere emango ditu, binakakoak, igande honetan hasita: Korrikako mezua idatzi zuten zazpi gazteak elkartu ditu egunkariak aste honetarako. Dokumental labur bat ere estreinatuko du, elkarrizketarekin batera.
Udako eskaintza horren barruan, udako narrazioak eta bertso jarriak ere ematen hasiko da BERRIA, eta udako argazkien lehiaketa ere egingo du aurten.
Eskaintza hori guztia ez galtzeko, BERRIAk eta berriek utzitako arrastoei ongi jarraitzeko, bide asko jartzen ditu egunkariak aukeran, webguneaz eta papereko edizioaz harago: Telegram eta Whatsapp kanalak, buletinak, sare digitalak...
Orain, baina, BERRIAren edukiak maizago ikusi ahal izateko beste aukera bat ere bada eskuko telefonoan. Googlek eskaintzen dituen albisteen artean BERRIAren berri gehiago agertzeko eska dezakete erabiltzaileek.
Horretarako, aski da helbide honetara jotzea, eta albisteen iturburu gisa Berria.eus markatzea. Hartara, BERRIAren albiste gehiago agertuko zaizkio erabiltzaileari eskuko telefonoan, Googlek nabigatzaileetan proposatzen dituen albisteen artean.
Google-k «iturburu hobetsiak» gehitzeko funtzionalitatea aktibatu du mundu osoan, erabiltzaileek euren informazio iturri gogokoenak hautatu ahal izateko. Orain, https://t.co/pkedaVSepH aukeratu daiteke gogoko iturri gisa. Egin klik hemen eta BERRIA hautatu:… pic.twitter.com/mAVAsdpgQ9
— Berria.eus (@berria) May 23, 2026
BERRIAren edukiak ez ezik, euskal hedabideen edukiak eta euskarazko edukiak maizago agertzeko aukera ere badu orain erabiltzaileak, albiste iturri horietan euskal hedabideak aukeratuta, BERRIAz gain.
