Bi aktore euskaldun saritu dituzte Erromako Digital Media Fest websailen nazioarteko jaialdian: Iholdi Beristaini taldeko emakumezko aktorerik onenaren saria eman diote, Daniel|a| websailean egindako lanagatik; eta YeraiVazquezi taldeko gizonezko aktorerik onenaren saria, Denboran bidaiatzeko gida osoa websailean egindako lanagatik.
Euskarazkoak dira bi websail horiek, eta osorik ikus daitezke Interneten: Daniel|a| Gaztearen Youtubeko kanalean, eta Denboran bidaiatzeko gida osoa, berriz, Bizkaiko A Film To Kill For ekoiztetxearen Vimeoko kanalean.
Iholdi Beristain musikaria ere bada. 2017an, ETBko Bago!az lehiaketa irabazi zuen. Gero,Go!azen telesailean aritu zen bi denboraldiz, aktore.
Iholdi Beristain eta Yerai Vazquez aktoreak saritu dituzte Italian
