'Muak E.T.' websaila, gaurtik aurrera Kanalduden ikusgai

Jokin Etxeberria, Muak-en. MUAK.
urtzi urkizu
2023ko otsailaren 1a
00:00
Entzun 00:00:0000:00:00

Estralurtarrei buruzko galderekin itzuli da Muak websaila. Sei emakume sortzaile ezagutzeko aukera emango dute Muak E.T izeneko atal sorta berrian, eta horiek Kanalduden ikusi ahal izango dira gaurtik aurrera asteazkenero (20:30). Honako sei sortzaile hauek izango dira protagonistak: Garazi Navas soinu jotzaile esperimentala, Amaia Kastorene sukaldaria, Izarne Oiarzabal dantzari garaikidea, Camille Chopin argazkilaria, Ziomara Ormaetxe koreografoa eta Ana Abarrategi ekintzaile futurista. «Galdezkatu ditugu beraien lanaren eta obren inguruan, eta gonbidatu pentsatzera estralurtarren etorreraren inguruan», iragarri du Jokin Etxeberria websailaren ekoizle eta zuzendariak. «Hala egin dugu, sortzaileek badutelako begirada ona etorkizuna pentsatzeko eta asmatzeko». Mariana Agordiren marrazkiak eta Muxkerren rap kantak ere izango dira.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.