Tiroz zauritu dute ustelkeria ikertzen ari den kazetari bat

PODGORICA. Montenegroko krimenak eta ustelkeria auziak ikertzen ari den kazetari bat tiroz zauritu zuten astearte gauean, Podgorica hiriburuan. Olivera Lakic izena du, eta Vijesti egunkarian egiten du lan. Haren bizitza ez dago arriskuan. Duela sei urte, Lakicek beste eraso bat izan zuen, tabako fabrika baten negozio ilunen informazioa argitaratu eta egun gutxira.