LATXA zortea eta erabakiak uztartzen dituen mahai jokoa da, 2 eta 4 jokalarirentzat, 6 urtetik aurrera.

Jokalariak artzain bihurtzen dira, eta helburua 15 ardi JUSTU lortzea da. Txanda bakoitzean kartak ateraz joango dira, eta une oro erabaki beharko dute: jarraitu arriskatzen, ala lortutako ardiak gorde. Baina kontuz! Otsoek txandako ardiak gal ditzakete, eta ekintza kartek jokoari ustekabeak eta jokalarien arteko interakzioa gehitzen dizkiote.

Mekanika erraza du LATXAk, baina erabaki interesgarriak hartzeko aukera ematen du. Familia osoarentzat pentsatutako joko bizkor eta dibertigarria da, Euskal Herriko artzaintza tradizionalean inspiratua.