Edurne Pasaban

Euskal Herriko mendizaleen artean, Himalaiako mendietan ibilitakoei erreparatuz batez ere, erreferentzia nagusietakoa izan da Edurne Pasaban, munduko hamalau zortzimilakoak igo zituen lehen emakumea. Bidea zelan hasi zuen jakingo dugu komikiaren bidez, eta norekin egin zuen topo. Agertuko dira beste emakume batzuk, hala nola Pili Ganuza, Amaia Aranzabal, Miriam Garcia Pascual eta Gerlinde Kaltenbruner, eta baita gizonak ere: Juanito Oiarzabal, Juan Vallejo, Mikel Zabalza…

Eta Pasabanekin batera, elurrak hartuko du protagonismoa; are, komikiaren ardatza izango da, mendizalearen izenarekin eta bizitzarekin lotura argia baitu.