300 musikari baino gehiago izango dira Arrasateko Akordeoi Lehiaketetan

MUSIKA. Abenduaren 6tik 8ra egingo dira Arrasateko (Gipuzkoa) 40. Akordeoi Lehiaketak, eta horietan 300dik gora musikarik hartuko dute parte. Hiru ataletan banatuta ariko dira akordeoi jotzaileak: 27. Arrasate Hiria lehiaketa, 40. Gipuzkoako Lehiaketa eta 32. Gipuzkoako Jaialdia. Epaile lanetan nazioartean sona handia duten musikariak izango dira, besteak beste, Grzegorz Stopa, Iñaki Alberdi, Matti Rantanen, Mie Miki eta Stefan Hussong.