alLO DARLIN'
'Bright Nights'
Diskoetxea: Fika.
We Come from the Same Place hirugarren diskoa (2016) kaleratu zuenetik ez genuen Allo Darlin’-en berririk, eta, beraz, poztekoa da Ingalaterrako taldea bueltan izatea. Izan ere, Bright Nights-ek modu eder batez bildu ditu taldeak aurreko diskoetan uztartu zituen euforia eta malenkonia. Elizabeth Morrisen ahotsak eta taldearen pop egiturek Camera Obscura eta Belle and Sebastianen garai loriatsuetara garamatzate, baina diskoak baditu ñabardura ugari ere. Northern Waters eta Historic Times abestietan gitarrek badute puntu afrikar bat, eta Cologny-ren crescendo-ak Bob Dylanen Like a Rolling Stone ekartzen du gogora bete-betean.
