Amran el Male idazle marokoarra zendu da

LITERATURA. Marokoko idazle eta intelektual handienetakotzat dute askok Edmond Amran el Male. Atzo hil zen Rabateko ospitale militarrean, 93 urte zituela. 63 urte zituenera arte ez zuen idatzi bere lehen liburua, baina geroztik nobela, ipuina, entsegua eta arte kritika landu ditu, frantsesez guztiak. Sortzez judua zen, eta eskola frantses laikoan hezitakoa. Kultura arabiarraren, juduaren eta berberearen arteko elkarkidetza goratu zituen bere obran.