Amy Winehousek bertan behera utzi du Bilboko BBK Live jaialdiko kontzertua, baita Europako birako gainerakoak ere. Kantariaren managerrak gaur goizean jakinarazi dio albistea Last Tour International promotoreari. Uztailaren 8an zen Bilboko jaialdian kontzertua ematekoa.
Winehousek larunbatean Belgraden abestu zuen eta entzuleek txistu jo zioten, edanda zegoelakoan. Horren ondoren, Istanbulen eta Atenasen aste honetan eman behar zituen kontzertuak bertan behera utzi zituen.
Uztailaren 7an hasiko da BBK Live, Kobetamendin. Coldplay, Crystal Castles eta Russian Red taldeak ariko dira lehen egunean.
