Antony and The Johnsons Et Incarnatusekin ariko da gaur, Kursaalean

Antony and The Johnsonsek Cut the world ikuskizuna eskainiko du Et Incarnatus euskal orkestrarekin batera, gaur, 18:30etan, Kursaaleko auditoriumean. Antony and The Johnsonsen azken lau diskoetako kantuen moldaketa sinfonikoa egingo dute, eszenaratze zainduarekin, eta kontzerturako propio prestaturiko argiteriarekin. Trinitate plazan, berriz, Hasier Oleaga bateria jotzaile euskaldunak joko du, 21:00etan hasita. Ondoren, Kenny Barrow, Mulgrew Miller, Eric Reed eta Dado Moroni piano jotzaileek An Evening with Two Pianos ikuskizuna aurkeztuko dute.