«ANTZERKI ZAITUT» ESATEKO MODUAK

«'Antzerki zaitut' esateko modu guztiak asmatu gabe daude oraindik», adierazi zuten atzo, beste hainbat konturekin batera, Usurbilen (Gipuzkoa) ospatu zen Antzerkizale Eguneko manifestua irakurri zuten aktoreek. Euskaraz egindako antzerkiaren aldeko aldarrikapena izan zen, batez ere, manifestua. EHAZE Euskal Herriko Antzerkizale Elkarteak antolatutako egunak askotariko emanaldiak bildu zituen, manifestuaren irakurketaz gain.