Gizarteari bakearen aldeko mezua helarazteko, 300 haurrek kontzertu bat emango dute bihar Donostiako Kursaalean eta beste bat etzi Arantzazuko Basilikan. Horietan ariko dira Donostiako Easo Eskolaniako, Donostiarra Txiki Orfeoiko, Bilboko Kontserbatorioko Abesbatzako nahiz Amici Musicae haur abesbatzako (Zaragoza, Espainia) gaztetxoak. Bizikidetzaren aldeko mezua zabaltzeaz gain, 2016an Europako Kultur Hiriburu izateko Donostiaren hautagaitza babestea da asmoa.
Abesbatzek beren errepertorioetako obrekin osatuko dute kontzertuaren lehen zatia. Ondoren, Moises Bautistak moldatutako pieza garaikideagoak kantatuko dituzte, The Beatles eta Mikel Laboarenak, esaterako. Hainbat filmetako kantu ezagunak ere interpretatuko dituzte.
Kutxaren eta Donostiako Udalaren laguntzaz antolatu dituzte emanaldiak. Ekainean, Madrilen eta Zaragozan ere ariko dira.
Bakearen alde abestuko dute 300 haurrek Kursaalean eta Arantzazun
Lau haur abesbatzak obra klasikoak eta pop doinuak tartekatuko dituzte biharko eta etziko kontzertuetan
Iruzkinak
Ez dago iruzkinik
Ordenatu
