Indiako Balkrishna Doshi (Pune, India, 1927) arkitektoak jaso du 2018ko Pritzker saria. Haren arkitektura “bikaina”, bere herrialdearekiko erakutsitako “konpromisoa” eta irakasle gisa eragindako “influentzia” azpimarratu du epaimahaiak. Izan ere, epaimahaiaren arabera, arkitektura “interpretatzeko” gai izan da Doshi, eta “Indiako bizimodua hobetu eta ekialdeko kultura errespetatzen duten eraikinetan” islatu du hori.
Arkitekto eta hiri planifikatzaile indiarrak irakaskuntzan eman ditu azken 70 urteak. Arkitektura saria jasotzen duen lehen indiarra da, baita zaharrena ere.
