BCUC

Bosgarren lan luzea du Sowetoko zazpikoteak eta, berriro ere, bantu erritmoz, hip-hopez, psikodeliaz eta rock jarreraz betetako beste kantu sorta bat ondu dute. Hasieratik amaieraraino gustura entzuten den diskoa da, dantzan jarriko zaituena hainbat unetan, nahiz eta aurrekoekin alderatuta apur bat sofistikatuagoa gertatu. Ez du zertan txarra izan, taldearen indar basa, batez ere zuzenekoetan, izan bada ere haien ezaugarririk aipagarrienetakoa. Agian indar rockero apur bat galdu dute, baina pluraltasunean irabazi dute. A! Eta bere horretan jarraitzen du haien konpromiso sozial eta politikoak.