Beñat Gaztelumendi bertsolari gazteak irabazi du aurten ere Euskal Herriko Eskolarteko Bertsolari Txapelketa, iaz erakutsitako nagusitasuna berretsiz. Bigarren, berriz, Xumai Murua azkaindarra sailkatu da, iaz bigarren gelditu zen Miren Artetxe hendaiarrari aurre hartuta. Lapurdiko bi bertsolariek azken urtea izan dute hau Eskolartekoan, baina ez dute lortu txapela janzterik, Gaztelumendi bikain aritu baita lanean.
Txikien mailan, berriz, iaz txapeldunorde geratu zen Hodei Iruretagoienak jantzi du txapela. Haren atzetik, Maialen Valverde zumaiarra sailkatu da. Txikien mailan aipagarria izan da Ipar Euskal Herriko bertsolari gazteek erakutsi duten maila bikaina, ateraldi politak entzuteko parada izan baitute ikus-entzuleek. Igor Elortza bertsolariak Mungiako pilotalekuan zuzendu duen saioan giro polit eta beroa izan da, eta are gehiago berotu da bi txapeldunek 'Berria' egunkari jaioberriari txapela eta azken bertsoa eskaini diotenean.
Bertsolaritza
Beñat Gaztelumendi eta Hodei Iruretagoiena nagusi Eskolarteko Txapelketan
Beñat Gaztelumendi añorgatarra, handien mailan, eta Hodei Iruretagoiena zarauztarra, txikietan, izan dira orain minutu gutxi Mungian amaitu den Euskal Herriko Eskolarteko Bertsolari Txapelketaren irabazleak. Sei probintzitako –Zuberoakoak falta ziren– 23 bertsolarik parte hartu dute txapelketan; hamabik txikien mailan eta hamaikak handienean. Ipar Euskal Herriko bertsolari gazteek erakutsi duten maila nabarmentzekoa izan da.
Iruzkinak
Ez dago iruzkinik
Ordenatu
