Berrogei urte eginak dituen lana, berreskuratuta

Ostirala 15: Iruñeko Zentral aretoa.

Larunbata 16: Sopelako Kurtzio kultur etxea.

Igandea 17: Bilboko BBK aretoa.

Aquashow (1973) izan zen Elliott Murphyren estreinakoa, Dylanen oinordekoen multzo handian sartu zuen lana. Diskoak 42 urte egin ditu jada, baina Murphyren diskoen artean gehien laudatu direnetakoa da oraindik, eta agian horregatik, iaz han bildutako hamar kantuak berriro grabatu zituen, konponketa berriekin (Aquashow Deconstructed). Murphy estatubatuar europartua urtero etorri ohi da Euskal Herrira —Parisen bizi da aspaldian—. Oraingoan, hiru kontzertu ofizialez gain, beste bat ere joko du. Asteazkenean The Second Act of Elliott Murphy dokumentala estreinatuko dute Donostian, Dock of The Bay jaialdian; saio akustikoa egingo du ondoren Trueba zinema aretoan.