Bilboko Kalealdian 48 proposamen izango dira

ARTE ESZENIKOAK. Bilboko Kalealdia antzerki eta kaleko arteetako jaialdiak 22 konpainiaren 48 proposamen eszeniko eskainiko ditu bihartik hilaren 7ra bitarte, Bilboko Alde Zaharreko hainbat plazatan eta inguruko beste leku batzuetan. Kaleko antzerkiaz gain, zirku modernoa, clown emanaldiak, aire akrobaziak eta txotxongilo erraldoiak ere izango dira.