Black lips
Atlantako garage-rock banda bueltan da, 25 urteko ibilbidea egin eta gero. 60ko urteetako rock nerabearen zale fidel gisa loratu izanagatik ere, ezpain beltzok bestelako sonoritateak ere besarkatu dituzte, tartean country-a, psikodelia eta popa. Bada, lan berria taldeak gaur arte egindakoaren laburpena izan daiteke, aipatutako oihartzun guztiak biltzen baititu. Bilduma bat ere izan zitekeen, baina estatubatuarrek hamalau kantu gordin jaso dituzte, zinta analogikoan, gurtzen dituzten bazterreko ereduak omentzeko: 13th Floor Elevators, girl group-ak… «Disko hau gure lehen lanen ildoan egongo litzateke. Ikuspegi zaharra erabiltzea izan da ikuspegi berria. Oinarrizkora itzultzea».
