'BOARDWALK EMPIRE'-K ABIATU DU FIPA

Martin Scorsesek HBO telebista katearentzat ekoitzitako Boardwalk Empire sailak zabaldu zuen Miarritzeko FIPA jaialdia, atzo iluntzean. Goizean, epaimahaiko kideak —argazkian— komunikabideen aurrean azaldu ziren. Igandera bitartean, sail ofizialak 120 saio eskainiko ditu, horietarik 56 lehiaketatik kanpo. Horrez gain, Arte telebista kateak EuroFipa ohorezko saria jasoko du, bere 20. urtemugan, eta Asier Altunak Bertsolari filmaren aurrerapena aurkeztuko du.