Brad Mehldau pianista estatubatuarraren jazz doinuak entzuteko aukera izango da gaur iluntzean Bilbon. Musikagileak kontzertua emango du Bilboko Elkarte Filarmonikoan, 20:00etatik aurrera, Bilbao 700-III Milleniun Fundazioak antolatutako 365 Jazz Bilbao zikloaren barruan.
Sei urterekin hasi zen pianoa jotzen, eta 12 zituela ezagutu zuen jazza. Hainbat taldetan aritu ostean, 1994an hirukotea osatu zuen Larry Grenadier eta Jorge Rossyrekin. Bakarlari gisa hainbat disko grabatu ditu, baita Peter Bernstein eta Charlie Hadenekin batera ere. Bakarka ariko da Bilbon. Ehun sarrera baino ez dira eskuragarri izango, aurrez salgai zeudenak amaitu egin baitira.
Brad Mehldau jazz pianistak bakarkako saio bat emango du gaur Bilbon
Aurrez salgai jarritako sarrera guztiak saldu diren arren, ehun gehiago jarriko dituzte leihatilan
Iruzkinak
Ez dago iruzkinik
Ordenatu
