Cocanha, Tarta Relena, Los Sara Fontan

Azkenean disko moduan kaleratu da bikote okzitaniarrak eta bi bikote katalanek elkarlanean Fabra i Coats: Fábrica de Creación egitasmoaren barnean sortutako ikuskizuna. Lan honetan, izenburutik bertatik, omenaldia egiten diete garai bateko oihal-lantegietako langileei eta haien inguruan sortutako kulturari. Haien kantuak, haien esperientziak, haien bizimodua... berrirakurtzen dituzte, errespetuz, baina era berean, ausardiaz betetako ikuspuntuarekin. Ezin besterik espero lan honetako protagonisten izenak ikusita. Musika herrikoiek eta garaikideek bat egiten dute elkarrizketa aberats bezain esanguratsuan. Bikaina; hasi eta buka.