'Don Pasquale' opera emango dute gaur Bilboko Campos antzokian

Bilboko Campos antzokian Don Pasquale opera komikoa ikusteko aukera egongo da gaur, 20:00etatik aurrera. Hamahiru eurotik 25 eurora bitarteko sarrerak daude salgai. Opera de Fondo konpainiak taularatuko du Gaetano Donizetti musikagile italiarraren opera komiko ezaguna. Konpainiak hautatu duen eszenografiak zinema mutuko film bilakatu du opera, eta pertsonaia guztiak zuri-beltzeko munduaren barruan arituko dira kantuan. Horretaz gain, operako antzezleek 20ko hamarkadako estiloko arropak eramango dituzte soinean, eta film mutuetan agertu ohi diren baliabide komikoak erabiliko dituzte.