Euri eta haize bolada bortitzak atzo Heletan Euskal Herria Zuzenean (EHZ) musika jaialdiaren lehen eguna hondatu egin bazuen ere, antolatzaileek gaur erabaki dute jaialdiarekin segitzea eta, ondorioz, iragarriak zeuzkaten gaurko eta biharko kontzertuei eta bestelako ekimenei eutsi egin diete.
Segitu edo ez erabakitzeko bilera egin dute gaur, Heletan. 11:15ak aldera ekin diote bilkurari EHZko antolatzaileek, jaialdiko teknikariek eta Heletako hautetsiek, eta 11:45ean jakinarazi dute ekitaldiarekin aurrera jarraituko dutela. Herriko eta inguruetako hautetsiak guneak bisitatzen izan dira, baita Jean Lassalle lekuko diputatua ere.
Antolatzaileak pozik dira berriz ere arazoei gaina hartu eta lortu dutelako jaialdia aitzina eramaten.
Dei zabala luzatzen ari dira ahal bezain bat jende joateko, "jaialdia nehoiz baino ederragoa izan dadin".
Lan taldeak berriz antolaturik, animazioak hasiak dira eta taulagai nagusikoak ere aurki abiatuko dituzte.
Baina argi dute antolatzaileek astelehenean jaialdiaren geroaren galdera pausatuko dutela, egoera ekonomikoki larria baita, haien arabera. "Ezin atxikia da", Eneko Gorri antolatzaileetakoaren hitzetan. Hautetsien bisitaz baliatu dira sustengu berezi baten galdetzeko. Izan ere, jaialdia %90az autofinantzatua da gaur egun. Diru laguntza berezi baten deia egin dute. Atzoko egunaren hiru laurdenak beregain hartzen dituzte asegurantzek baina ez sarreren txartelak.
EHZren hamabosgarren edizioa da aurtengoa.
Gaurko eta biharko egitaraua. Kontzertu nagusiak
Gibelherri gunea
Gaur:
19:30: Ez3kiel vs hint.
21:30: Izia.
23:45: Rinocerose.
01:45: Berri Txarrak.
Bihar:
15:45: Mikel Urdangarin.
17:45 Ratxid Taha.
20:00: Balkan Beat Box.
22:15: Le Peuple de l'Herbe.
Urbeltzeta
Gaur:
17:00: Pirritx eta Porrotx.
20:30: Zea Mays.
22:30: Bizardunak.
01:00: Gose.
02:45: The Subs.
Bihar:
16:45: Yacine & The Oriental Groove.
19:00: Mister Saguak.
21:15: La Pegatina.
Itsasoa ostatua
Gaur:
14:00: Les Kags.
16:30: Pastors of Muppets.
23:00: DJ Gambeat.
Bihar:
14:00: Les Kags.
18:00 : Ander Lipusen 'Ardoaz'.
Antxarteta
Gaur:
12:00: Pastors of Muppets.
13:30: Musikherria kolektiboa.
15:00: Moi Moi kolektiboa.
18:00: CA-I kolektiboa.
Bihar:
11:30 : Pastors of Muppets.
14:15: Musikherria kolektiboa.
17:00: CA-I kolektiboa.
musika
EHZk segituko du gaur eta bihar
Euskal Herria Zuzenean musika jaialdiaren lehen eguna hondatu egin zuen atzo eguraldi txarrak, eta gaur goizean bilera egin dute antolatzaileek, ekitaldiko teknikariek eta Heletako hautetsiek. Dena dela, egoera ekonomikoki larria dela ohartarazi dute.
Iruzkinak
Ez dago iruzkinik
Ordenatu
