EIren Ohorezko Saria jasoko du Maite Idirinek

MUSIKA. Eusko Ikaskuntzak eta Baionako Udalak urtero ematen duten Euskal Kulturaren Ohorezko Saria Maite Idirin abeslariak jasoko du 2011ko otsailaren 4an egingo den ekitaldian. Idirin 60ko hamarkadan hasi zen kantuan, Atahualpa Yupankiren abestiak euskaraz kantatuz, baina gehienbat musika lirikoan espezializatu da soprano gisa.