Euken Ostolaza opera abeslaria hil da, gaixotasun baten ondorioz

MUSIKA. Gaixotasun baten ondorioz zendu da Euken Ostolaza opera abeslaria. Donostian jaioa, 61 urte zituen, eta tenorra zen, baina kontratenor gisa ere jardun zuen. Donostiako Orfeoiaren eskolan hasi zituen kantu ikasketak, eta Frantzian jarraitu gero. Estrasburgoko Rhingo Operako abesbatzan abestu zuen, Parisko Choeur de l'Operan bakarlari aritu zen, eta Le Choeur de Radio Franceko kide ere izan zen.