Euprel saria jasoko du gaur Eugenio Gandiagak

MUSIKA. Eugenio Gandiagak Getxoko kultur etxeko zuzendari moduan zuzeneko musikaren industria sustatzeko urteetan eginiko lana goratuko du Euprel elkarteak, Laukarizko (Bizkaia) Urgoiti jauregian egingo duen ekitaldian. Aurten sortu dute sari hori, «profesional eredugarriak nabarmentzeko helburuz». Gandiagak jasoko du lehen saria, eta sektoreko profesionalak eta instituzioetako ordezkariak bilduko dira ekitaldian.