Euskal Kontalarien Festa izango da Bermeon asteburuon

Bazen behin goiburupean, Euskal Kontalarien V. Festa izango da Bermeon (Bizkaia) bihar eta etzi. Ume, gaztetxo zein helduentzako ekitaldiak izango dira, euskaraz eta gaztelaniaz. Aurten, helduentzako egitaraua indartu dute, ipuinak helduentzat ere badirela aldarrikatzeko. Hala, Doro Zobaran eta Joxemari Karrereren emanaldiak izango dira bihar helduentzat, San Frantzisko elizako klaustroan. Ohiko saioez gain, ipuin poteoa eta ipuin txangoa ere egingo dituzte etzi. Zobaranek eta Karrerek parte hartuko dute poteoan. Pello Añorgak, Amaia Arriaranek, Lur Kortak eta Leire Basarratek ere egingo dituzte emanaldiak, etzi.