Haurrentzako ipuinak euskarri digital interaktiboan argitaratzeari ekin dio Luul taldeak, Mikel Mendibilek idatzi eta ilustratutako Zatiketak biderkatuz lana plazaratuz. Luul taldearen webgunean dago eskuragai lana (www.luul.eu), 2,17 euroan. Mendibilen ipuina irakurtzeaz gain, irakurleak Mendibilek egindako ilustrazioak mugitzeko eta haiekin jolasteko aukera izango du.
Haur eta gaztetxoek euskarri digital interaktiboak maiz erabiltzen dituztela baina haietan euskarak oso presentzia urria duela jabetuta daude Luul taldeko kideak, eta horrek bultzatu ditu egitasmo hau abian jartzera.
Luul taldeko kideek gizarte ereduaren inguruan duten kezkak isla izaten du plazaratzen dituzten lan guztietan. Zatiketak biderkatuz ez da salbuespena. Gurasoen banaketaren gaia planteatu du egileak, Luulekoen enkarguz. Haur eta gaztetxoek familia eredu desberdinak naturaltasunez ikus ditzatela nahi dute Luuleko kideek.
Mendibilek aurten kaleratutako bigarren ipuina da Zatiketa biderkatuz, apirilean egile beraren Enara ttipia album ilustratua kaleratu baitzien Denonartean zigiluak.
Durangoko 47. Euskal Liburu eta Disko Azoka
Euskarazko ipuinak euskarri digital interaktiboan
Mikel Mendibilen 'Zatiketak biderkatuz' lana plazaratu du Luul taldeak, gurasoen banaketari buruzkoa
Iruzkinak
Ez dago iruzkinik
Ordenatu
