Fernando Alvarez Buscak (Donostia, 1978) prentsa erredaktore gisa hasi zuen bere ibilbide profesionala. Nazioarteko kazetaritzaren esparruan esperientzia handia du: EFE Agentziak New Delhi, Tokio eta Erroman dituen egoitzetan aritu da, besteak beste.
Horrez gain, 2011. urtean, Donostia 2016ko Europako Kultur Hiriburutzarako aurkeztu zuen hautagaitza txostena editatu zuen lantaldean aritu zen. Guk enpresan ere jardun du: sareko komunikabideen eta sare sozialen analisi eta diagnosiaz eta komunitate kudeaketaz arduratu da.
Donostia 2016 Fundazioko Patronatuak atzo hartu zuen Alvarez Busca izendatzeko erabakia. Irailean abiatu zuten hautaketa prozesua.
