Fermin Muguruza, Julieta Venegas, Gatibu, Betagarri, Los Chikos del Maiz, Riot Propaganda, Auryn, Lain, Obrint Pas eta Habeas Corpus. Donostiako Aste Nagusian, abuztuaren 10etik 17ra bitartean, talde horiek izango dira Saguesen. Gaur aurkeztu du egitaraua Nerea Txapartegi Donostiako Udaleko Kultura arduradunak.
Txapartegiren esanetan, "estiloen eta taldeen arteko oreka eta aniztasuna" bilatu du udalak. Agerraldian Toya Huercanosekin izan da Txapartegi, hark egin baitu aurtengo Aste Nagusiaren kartela.
Igandean ariko da Venegas Saguesen, hilaren 11n, Los Momentos diskoa aurkezten. Muguruzaren kontzertua, berriz, 16an izango da, ostiralean.
