Bigarren kanporaketa izanen du gaur Zuberoa, Baxenabarre eta Lapurdiko bertsolari txapelketak. Aiherrako Denen Etxea aretoan Xumai Murua, Miren Artetxe, Txomin Elosegi, Gillen Iribarren, Mattin Luku eta Kristine Txoperena bertsolariak dira aritzekoak. 20:00etarako finkatua dute saioa, baina horren aitzin antolatzaileek elkarrekin bertan afaltzeko proposamena egin dute. Lekua izateko, izenak aitzinetik eman behar dira, telefonoz. Informazioa www.xilaba.net atari elektronikoan aurki daiteke.
Saio honetan, Odei Barroso eta Patxi Iriart finalera nork lagunduko dituen jakinen da, horiek biek joan den astean Muskildin (Zuberoa) segurtatu baitzuten finalera sailkatzea. Gerokoak geroko, gaurkoari dagokionez, Muskildin lortu giro beroa berriz piztea espero dute gaur ere. Muskildin 150 bat lagun bildu ziren, gazteak bereziki.
Gaur Aiherran du ordua Ipar Euskal Herriko Bertsolari Txapelketak
Murua, Artetxe, Elosegi, Iribarren, Luku eta Txoperena ariko dira, finalerako sailkatzea xede dutela
Iruzkinak
Ez dago iruzkinik
Ordenatu
