Gaur emango dituzte zinema ikasleen sariak

SARIA. Gaur amaituko dira Zinema Ikasleen IX. Nazioarteko Topaketak, sari banaketarekin. Ekitaldi honetan hamalau film labur aurkeztu dira, eta horietako zortzi -Argentina, Israel, Finlandia, Singapur eta Erresuma Batukoak, besteak beste- gaur bertan ikusi ahal izango dira, 10:00etan, 12:15ean eta 16:00etan, Kutxa aretoan (Andia kalean). Sariak 20:30ean banatuko dituzte, leku berean. Danis Tanovic zuzendaria da epaimahaiko burua.