Iragarri zuten euskaraz irakasten hasi ziren lehendabiziko ikastoletako andereñoek jasoko dutela aurten Durangoko Azokan Gerediaga Elkartearen Argizaiola saria eta, hain zuzen, gaur gauean izango da ekitaldia, San Agustin kulturgunean (20:30).
"Hasierako iluntasunean, euren lana, esfortzua eta kemena euskalduntzeari eskaintzeagatik" hartuko dute 44. Euskal Liburu eta Disko Azokako sari nagusia. Guztien ordezkari gisa Izaskun Arrue (Arabatik), Libe Goñi (Iparraldetik), Izaskun Gastesi (Nafarroatik), Karmele Esnal (Gipuzkoatik) eta Begoña Aranguren (Bizkaitik) izango dira ekitaldian.
Atzo ireki zuten azoka, eta asteartean bukatuko da.
Durangoko Azoka
Gaur jasoko dute ikastoletako lehen andereñoek Argizaiola saria
San Agustin kulturgunean izango da ekitaldia, 20:30etik aurrera. "Hasierako iluntasunean, euren lana, esfortzua eta kemena euskalduntzeari eskaintzeagatik" sarituko dituzte.
Iruzkinak
Ez dago iruzkinik
Ordenatu
