GITARREN DISTORTSIOTIK URRUN

Idi Bihotz eta Flyn'Freak taldeekin heavya jorratu ondoren, rockera eta abesti batzuetan poperaegin dute jauzi Mikel eta Gorka Bizar anaiek Jare izenez sortu duten talde berrian. Jagoba Ormaetxea, Iñigo Benito eta Kepa de Miguelek osatzen dute taldea, eta Oihukarekin atera dute lehen diskoa, Itxaropenaren ertzean izenekoa. Alex Sardui eta Ainhoa Cantalapiedrak abestu dute diskoari izena ematen dion kantuan eta Ilargi berria-n. Lan berria atzo aurkeztu zuten.