Javier Elortegi zuzendariak "Akzioa!" oihukatu duenean isilatasuna nagusitu da Zorion perfektua-ren' filmaketan. Autoa kalean barrena doa, eta neska ilehoria oinez dator; lagun batekin elkartu da treneko pasabidearen aurrean eta trena pasatu bitartean berriketan gelditu dira. Horixe filmaketako lehen eszena, Urola Kostako Hitza-k jaso duenez.
Santa Klarako tren pasabidea itxuraz aldatzen ikusi dute azken egunetan herritarrek, Lemoiz apurtu leloa daraman horma-irudia egin baitute. Filmarako zen. Gaur, trenaren pasabideko hesi faltsuak ere bazeuden. Filmaketako aurreneko eguna izan da eta datozen egunetan ere kalean zenbait eszena grabatzen jardun dute.
Anjel Lertxundiren nobelan oinarritutako istorioa Pausokak ekoitzi du eta 2009ko Zinemaldian estreinatzeko asmoa dute.
Zinema
Hasi dira 'Zorion perfektua' grabatzen
Anjel Lertxundiren izen bereko liburuan dago oinarrituta. Zarautzen hasi dira gaur lehenbiziko eszenak grabatzen. Anne Igartiburu, Elena Irureta eta Alberto Berzal daude aktore taldean.
Iruzkinak
Ez dago iruzkinik
Ordenatu
