Humanitateaz ariko dira ASKEren jardunaldietan

PENTSAMENDUA. Astelehenean hasi eta hiru egunez Humanitatearen defentsan: XXI. mendeko sozialismorantz jardunaldiak egingo dituzte Donostiako KM kulturunean. Alfonso Sastre Kultur Elkarteak antolatu ditu «gogoeta eta eztabaida egunak». Hitzaldien ostean, Sastreren Los hombres y sus sombras antzezlanaren lehen hiru agerraldiak irakurriko dituzte. Astelehenean, Santiago Alba filosofo eta idazlea eta Iñaki Antiguedad EHUko irakaslea izango dira hizlariak.