JEFF TWEEDY
'Starship Casual Orbit Two'
Diskoetxea: Dbpm Records.
Disko bitxia da hau, ez bakarrik Jeff Tweedy jaunaren bitxikeria, demo eta zenbait bertsio ezezagun biltzen dituelako, baita denak bakarka eta gitarra akustikoaren laguntza soilarekin interpretatuak daudelako ere. Gainera, disko honek ez die ohiko banaketa eta zabalkuntza bideei jarraituko: opari bat da musikari iparramerikarraren Starship Casual blogaren harpideentzat. Bigarren alea du, eta 22 kantu hauek Tweedyren alderik kantautoreena erakusten dute. Alde horretatik, ez da kokatu behar musikari hiperaktiboaren bigarren mailako lanen artean: zuzena, gordina eta zintzoa baita.
